الجمعة، 30 أغسطس 2013
كابو الوايت نايتس يشارك فى مظاهرات الاخوان
متابعة : محمد عبد العظيم
اصدر
سيد مشاغب كابو ألتراس الوايت نايتس، والقيادى بحركة أحرار الإسلامية،
بياناً رسمياً من أجل االنزول لميدان سنفكس اليوم الجمعة، من أجل انهاء
حكما العسكر والإخوان المسملين .
وإليكم البيان كاملة كما جاء فى صفحة "سيد مشاغب" على موقع التواصل الاجتماعى الفيس بوك :
1-
أعلن أن المنهج والمبادئ هي الشيء الوحيد اللي يحركني واللي أتعصب ليه،
والمنهج الصح عمره ما كان شخص من النخبة ولا جماعة ولا تنظيم، وشايف ضرورة
تجاوز الشباب لكل التيارات والجماعات والأحزاب والأشخاص، لازم اللي يجمعنا
واللي يفرقنا المنهج والمبادئ مش الأشخاص ولا غيره
2-
أعلن أن عمري ما اعتقدت التعارض بين الإسلام والثورة، ولا بين الثورة
والإسلام، وبرغم فخري بالإسلام ومنهجه لكن بتبرأ صراحة وبكل بوضوح من كل
التيارات اللي حملت اسمه وشعاراته وضيعت الثورة بمنهج إصلاحي مش ثوري أو
بتقديم الكراسي على المنهج والمبادئ، أو بتحويل منهج الإسلام لشعارات حزبية
جوفاء لا تحمل حقيقة ولا جوهر، وبتبرأ برضه من اللي حولوا أخطاء الأشخاص
لطعن في منهج الإسلام نفسه واعتبروه لا يصلح انه يكون منهج حياة
3-
أعلن أن اعتقادي أن ضرورة إكمال الثورة دلوقتي بقت أوجب من أي وقت مضى،
وإن الحل الوحيد للخروج من الأزمة هو ثورة حقيقية تزيل أركان النظام الفاسد
وترجع للشعب حقوقه بجد، يقودها الشباب، ويحصل مكتسباتها الشباب، وكفاية
عواجيز لحد كده
4-
أعلن إن الشرعية عندي عمرها ما بتيجي لا بالصناديق ولا بالملايين في
الشارع، الشرعية عندي للصح، وللحق، ولو واحد بس اللي بيقول الحق من دون
البشر كلهم هيبقى هو اللي معاه الشرعية، وقبل ما حد يقول شرعية سواء صناديق
أو ميادين، لازم الأول يقولونا حق ومنهج صح، وعشان كده بقول الشرعية
للثورة دلوقتي لانها في نظري هي الحق حاليا والحق الوحيد
5-
أعلن اعتقادي السياسي بإن نجاح الثورة يوم الخروج من الهيمنة الأمريكية
والتبعية ليها، الخروج الحقيقي مش بالتمثيل ولا بالهتافات، خروج يخلي بلدنا
حرة مستقلة في اقتصادها وسياساتها وسلاح جيشها واخدلي بالك انت من سلاح
جيشها دي .. وان اللي شايف ان تدخل امريكا ده شيء عادي واللي بيفرح
بتصريحات اوباما لما تكون لصالحه وبيستدل بيها، انا بريء منه ليوم الدين
6-
بالرغم اني شاب عادي جدا وعارف ان ليا ذنوب ومعاصي ومقضيها بصراحة بس عمري
ما هبرر ولا بررت للغلط،وشايف ان ده يخليني اعمل خير واعمل لديني اكتر
عشان حسناتي على الاقل تبقى زي سيئاتي، وشايف ان مشروع الاسلام ده مش بتاع
حد، ومحدش اولى بيه مني، لا شيخ ولا جماعة ولا غيره، ونفسي اكون سبب في ان
منهاج الاسلام فعلا هو اللي يحكمنا كلنا، وربنا يوعدنا جميعا يارب
7-
متسلمش عقلك للمزورين ومحترفين الكدب، واسٲل مباشرة، وللعلم عمري ما عملت
حاجة وندمت الحمد لله الا لو تغضب ربنا، فسيبك بقى من حكايات امنا الغولة
اللي بتتقال دي ونظف عقلك
8-
لو حصلي حاجة المنهج والفكرة دي امانة في رقبة اللي يقتنع بيها، واللي انا
شايف احرار بتمثلها دلوقتي، ولو احرار بعدت عنها عادي يبقى تفكس وتخليك مع
الفكرة، احنا مش بنعبد الكيانات، واوعى في لحظة تفرط في الفكرة، دي فكرة
الحرية والفكرة الحقيقية اللي هتخلي لحياتك قيمة..
اخيرا
الوايت نايتس كيان طول عمره مع المقاومة والثورة والنضال، طول عمره مع
الحرية والحق، الاستقطابات دي احنا منعرفهاش.. اللي يعرفها المرضى النفسيين
والمشوهين وهما عارفين نفسهم كويس اما احنا لٲعشان اقسم بالله مفيه كيان
في مصر يملى عنينا اصلا
الاشتراك في:
تعليقات الرسالة (Atom)
ليست هناك تعليقات:
إرسال تعليق